ഇഷ്ടപ്പെട്ട വാഹന നമ്പരിനായി മുടക്കിയത് 16 കോടി
അബുദാബി: ഇഷ്ടപ്പെട്ട വാഹന നമ്പരിനായി യു.എ.ഇ സ്വദേശിയായ
ബിസിനസുകാരന്‍ മുടക്കിയത് ഒരു കോടി 53 ലക്ഷം ദിര്‍ഹം. എമിറേറ്റ്സ്
പാലസില്‍ ശനിയാഴ്ച നടന്ന ലേലത്തിലാണ് 6 എന്ന നമ്പരിനായിഇത്രയും
വലിയ തുകയ്ക്ക് ലേലം ഉറപ്പിച്ചത്. ദുബായ് പൊലീസ് ആന്റ് എമിറേറ്റ്സ്
ആക്ഷനാണ് ലേലം സംഘടിപ്പിച്ചത്. തന്റെ പണം നിര്‍ദ്ധനാരയവരുടെ ഉന്നമനത്തിന് ഉപയോഗിക്കുന്നതില്‍
സന്തോഷമേ ഉളളൂവെന്ന് വന്‍ തുകയ്ക്ക് ലേലം ഉറപ്പിച്ച ബിസിനസുകാരന്‍
അറിയിച്ചു. തന്റെ പേര് വെളിപ്പെടുത്താന്‍ ഇദ്ദേഹം വിസ്സമതിച്ചു.നൂറോളം നമ്പരുകളുടെ ലേലത്തില്‍ നിന്ന് 5.5 കോടി ദിര്‍ഹമാണ് ലഭിച്ചത്.
nലേലത്തിലൂടെ ലഭിച്ച പണം അപകടങ്ങളിളിലും മറ്റും പരിക്കേറ്റ് കഴിയുന്നവരുടെ
ചികിത്സക്കായി ഉപയോഗിക്കുമെന്ന് അബുദാബി പൊലീസിലെ ഫിനാന്‍ഷ്യല്‍
ഇന്‍വെസ്റ്റ്മെന്റ് വിഭാഗം തലവന്‍ ലഫ്. കേണല്‍ അബ്ദുള്‍ റഹ്മാന്‍ അല്‍
കമാലി അറിയിച്ചു. രണ്ടക്ക നമ്പരുകളില്‍ 60 എന്ന നമ്പര്‍ 38 ലക്ഷം ദിര്‍ഹത്തിനും 36 എന്ന നമ്പര്‍ 27
ലക്ഷം ദിര്‍ഹത്തിനും 86 എന്ന നമ്പര്‍ 22.5 ലക്ഷത്തിനുമാണ് ലേലത്തില്‍
പോയത്. 107 എന്ന നമ്പര്‍ 7 ലക്ഷത്തിനും 6000 എന്ന നമ്പര്‍ ആറ് ലക്ഷത്തി
എഴുപതിനായിരം ദിര്‍ഹത്തിനാണ് വിറ്റത്.
No comments:
Post a Comment